انا كبرت ع الفشل

اللى قدى دلوقتى بيبدأوا يشوفوا الخطة الجاية فى الكاريير

وانا لسه بفشل ع أول السلم

يا نهار عك !

______________

اللى جوا الواحد بيبان على وشه

الواحد لما بيكون انسان مش كويس سبحان الله بيبان على وشه كده من اول نظرة
_____________

عايز عشر ميت الف يوم اجازة

_____________

اللى بيعمل حاجة - حتى لو كانت صغيرة قوى - بتعود له تانى

سبحان الله

خليك دايما حد كويس وساعد الناس عشان هتعود لك - بصرف النظر عن الثواب عند ربنا
______________

حتى لو مكنتش بحبها - كنت اخترتها برده

عشان فيها صفات كتير مش موجودة فى اى حد تانى

____________

مشكلتى انى مبحبش الفشل

بحس انها نهاية العالم
______________

مش طالبة وجع دماغ الصراحة

اللى عايز يتهبب يتهبب

واللى عايز يتنيل يتنيب

_______________

شعرها لسه قصير وضحكتها بتطير أجمد قلب من مكانه
______________

اول ما تلاقى حاجة تضايقك

لاما تغسل سنانك بمعجون سيجنال تو

لاما تدى وشك الناحية التانية
____________

هو مفيش زيك اصلا

مفيش اتنين منك
____________

انا بموت ف أى حاجة غريبة / مجنونة
____________

أنا كل ما أعدى جنب الاوضة

حولع فيها قريب وقريب اوي

just Feeling

نفس طويل وتنهيدة اطول ببدأها وانا بكتب البوست ده

... مش عارف ليه لما بتضيق بيا اوى باجى هنا

مع انى حاسس

... انى مبقتش البنى ادم دة اوى يعنى

مع انى بكره الكلمة دى اوى اوى ومبحبش اقولها

حتى بيبنى وبين نفسى

"ساعات بنحتاج ايد او حاجة ع اكتافنا حتى وان كانت قطرة مطر "

..من ساعة ما قريت الكلمة دى وانا متنح اوووووى

الدنيا دى غريبة بصراحة كل ما تقول حاجة وتحصل وتبقى راضى بتتشقلب تانى

puzzle وكاننا هنفضل طول عمرنا نلعب

وتعبت اوى وعاوز اغير جو الموضوع بيكبر اوى

وحاسس انى بختفى كل يوم عن اليوم الى قبله

مخنوق ...قلقان ...متنح اوى

.. حاسس انى لوحدى برغم اى حاجة حواليا

او حابب ابقى لوحدى مش عارف ايوه فعلا صح ومش عارف

زمان كنت بحب احساس انى اخطف نفسى واختفى كده بعيد عن اى حاجة

وارجع تانى وقت ما احب بس كنت برجع مرتب الدنيا

دلوقتى نو ولاءا واى حاجة بلغة تانية

يعنى مش هينفع فى ميت مليون حاجة ماسكة فيا

وعلي اد ما انا حببها حاسس انها خنقانى اوى

محتاج اقعد اسمع لكيني واقرا رواية مع كوباية نسكافيه بلاك

وانتخ واندمج فى الرواية واعيشها

محتاج انى اقعد مع نفسى اعرف انا رايح ع فين

------------------------------------------------------------------------

هيا صحيح الناس لية بتحب توجع بعض كدة

ولما بتوجع حد بيتبسطوا

يا تري دي طبيعة بشرية ...؟

مش عارف بجد

حاسس اني في ناحية تانية بعـــــــــــــيـد

ومحتاج حاجات كتير علشان اوصلها

نفسي اروح واخد بايدي

واطبطب عليها واقعد شوية معاها

بس خايف اتصدم من اللي هتقولة ليا

حاسس بان الكتابة بقت تقيلة

يمكن علشان بطلت اكتب بقالي فترة

وحاسس ان اسلوبي بقي وحش اوي

حتي الكتابة قالبة عليا

ورجعتلكم تاني مع حكايات مش مفهومة

ونبتدي ونقول

أنا فشلت فى كل حاجة فى حياتى

كل حاجة .. بلا استثناء

والحمد لله

:)

-------------------------------------

أنا مش زيهم ..

وعمرى ماهكون ومش عايز أكون

------------------------------------------------

مرة واحد راح لواحدة يقولها أنا بحبك

تخيل أن اسوأ الظروف انها هتسكت وتمشى

عشان متجرحهوش

راح وهو عمال يفكر فى الطريق هيقول ايه

وهيبدأ الكلام ازاى ومنين

اول ما شافاها قالها كلمتين وبس

كانوا من قلبه قوى قلبه عمال يدق وجسمه كله بيترعش

ومن الفرحة حاسس أن الدنيا هتقف

سكتت شوية وفضلت بصاله وراحت اديته ضهرها

ورزعت الباب فى وشه

فضل واقف متنح وباصص على الباب

_____________

شايف البحر اد اية كبير

______________

طب وبعد كدة وبعد كدة وبعد كدة

امممممممممممم

طريق طويل اوي

-----------------------------------

نفسي افضل اسمع لكيني لاخر يوم في العمر

ـــــــــــــــــــــــــــــــــــــــــــــ

تبتدي منين الحكاية وهيا اصلن لسة مبتدتش

ولا اية بزمتكم دة كلام ..؟

-----------------------------------------------

نتكلم شوية بقا مش عارف مش عايز انام ومخنوق جدا من حاجات كتير

النهاردة او امبارح كان الفلانتين وانا اصلن بكرة اليوم دة جدا

معرفش لية وهوا يعني لازم يكون فية سبب الله حاجة تخنق

دباديب في دباديب في دباديب في دباديب واخرت الدباديب دي اية

في الزبااااااااااااااااااالة

حاسس اني عطشان جدا ومهما اشرب ابقا لسة عطشان

فية حاجة بفكر اعملها بس حتزعل مني ناس مش عارف اعملها ولا لا .؟

انا بجد مخنوق جدا مش عارف اقول اية

اول مرة احس اني فعلن بخرف في الكلام دة كلوة

اول مرة احس اني بكتب كلام انا ذات نفسي مش فاهمة

بجد خلاص كفاية

اتخنقت

I quit, I give up,

nothing's good enough for anybody else,

it seems-when I'm all alone

it's the best way to be.

when I'm by myself nobody else can say goodbye .

Everything is

temporary anyway .

----------------------------------------------------------

I don't know what to say to you anymore.

anything I say just isn't enough to make

you realize that I really don't need you

.. مينفعـــــــــــــــــــش تطلب الاهتمام من حد