لسه معاكي صورتى لسه فاكرة ملامحى
ولا نسيتيها وضاعت منك زى قلبى
مش مستنى منك رد على سؤالى دلوقتى
بس افتكري انا ضاع مع مين عمرى
ولمين نزلت دموعى وجرحت خدى
ومين اول حد جرح ليا قلبى
فاكرة زمان حبيبتى لما جتيلى
كل شئ فيكي بيقولى خدنى
وضمنى فى حضنك ده انت منى
وانا صدقتك وحبيتك وغصب عنى
لقيتك بسكين بارد اوى دابحنى
نزل قدام عينك دمى قبل دمعى
وشوفت فى عيونك نظرة دمرتنى
بقى معقول احب انسانة وضيعتنى
اضمها واصونها واديلها عمرى
عشان فى الاخر تقتلنى
فاكرة حبيبتى انتي كنت ازاى بتبكى
لو انا بعدت عنك او بعدت انتي عنى
فاكرة ازاى كنتي بتحضني صورتى
وتبكى عيونك على بعدى
لسه صورتى بطمنك عليا
لسه صورتى بتفكرك بليل كنت انت فيه قمرى
ولا بتفكرك بغدرك بيا
اسئليها اكيد هتقولك هي
انك اجمل عذاب كان فى الحياة ديا
ودامعة دافيه ساكنه فى عنيا
وجرح اغلى انسان عليا
.jpg)
