هادوس علي قلبي

خلاص وضعت لطريقي نهايه..

مايكونشي لقلبي حكاية 

و يعيش في قصه الانسان الجريح 

اللي مالهوش في الطيب نصيب

يا قلبي خليك و لو لمره

تبقي ليك الدنيا راكعه

سيب الحب و جراحه

 و مآسي الليل و عذابه 

و آديك شوفت الحياه

الناس فيها الوان

  وانت وحيد بالاحزان

مالكش احباب ولا اصدقاء 

تمشي في الشارع لوحدك

ودايما الجروح في قلبك 

تشوفها و ينزل دمعك

و مفيش حد يعالجك

اصل مفيش جرح أدك

ليله تجر ليله

و الدموع في العيون مريره

و الشموع في الليل حزينة 

تسمع آهاتك من الوان الخديعه

مش كفايه يا قلبي كل يوم

  تفوق علي كلمه بحبك علي طول تصحي

و تنام في الليل بقلب مجروح

 بسبب خيانه عهد قديم

بيني و بينك و الرب شهيد

و تقولي مش هرجع تاني, ارؤف يا رحيم

 واصدق حكايه قلبي الحقير

و امشي في دوامه الحب الاسير

وأخد انا تأنيب الضمير

و اشوف العذاب المرير

خلاص انا بقيت عديم

لا ليا عزيز و لا حبيب

و كان الإنذار الأخير

من غير تنبيه و لا تحذير

هأقطع كتابي للي فات

هاخليه فتات للزمان

و صفحه جديده في تاريخ الزمان

لبداية جديدة لانسان

و نهايه لقلب عزيز

نفسك ترجعيلى

عارفك عايزة اية واية عايزة تقوليلي

عايزة تقولي اسفة ونفسك ترجعيلي

بلاش دا من قلبك يتمسك انا من قلبي متمسك

لا حصعف تاني ولا حسمع وانتي بتندهيلي

متحسسنيش اني ظلمتك متبينيش حبك ليا

كل الي عملتوة اني كرهتك من كدبك دا فوقي شوية

شرب ياما انا من سمك وكنت عايشة ولا همك 

كرهت فيكي حتا اسمي وكرهت خوفي علي قلبي 

لـــيـــه ؟

حرام عليكي الحب ده فجأه يموت...كان ليه تحبي لما انتي مش قد الوعود
ياما كدبت وقلتي من بعدك هاموت...والبعد بينا مستحيل ده ف يوم يعود

وقلبي صدق كل وعد وعدتيه بيه....وضحى ياما بحاجات كتير راحت عليه
كله يهون علشان عيون انسانة شارياه...وانتي ف لحظة بعتيني فجأه وتمنه ايه ؟

تمنه العذاب والجرح والآه و الألم....تمنه المرار والانكسار وسنين ندم.
تمنه ذنوب هاتكون معاكي طول الزمن...هاتعيشي حزينة وبجد ده هو التمن.

هاتفوت ليالي هاتفوت سنين...وتدوقي معاها طعم الحنين .
تفضلي حزينة سامعة أنين....تعبانة قوي...و تشكي لمين.

فينك يا حب ياقلب كان طيب قوي...فينك حرام رمتيني بجد و انا بنكوي.
وخلاص مش قادر  ودراعي عمال يتلوي....و انتي الوحيدة اللي بحنانك بعتني.


لكن خلاص هاتفيد بايه دمعة عينيكي ؟ منا قلبي كان ف يوم معاكي وبين ايدكي.
بعتيه برخيص و هنت عليكي...علشان يعود قوليله ايه يتحب فيكي !

خلاص كفاية الجرح مرة في الزمن...دنا قلبي مات و اتباع كمان من غير تمن.
تمن الخداع والغش من انسانة لاتؤتمن...باعته في لحظة وسابته عايش في الألم.

سبته وحيد والزحام مالي عينيه...ولا حتى دليته لمكان يرجع إليه.
وكأنة غريق والموج عمال بيشد فيه....وقلبك الجاني بعيد وانا الأكيد مجني عليه.

ومد ايده كتير عشان تمسكي ايديه...فين الضمير اللي زمان قلتي عليه
اهه سبتيه يغرق و ف عينيه هو سؤال...والسؤال تتوقعي ايه ؟
السؤال كان هو....لــــيــه ؟؟

حبك جوايا انكسر

كنت بحلم بيوم اني اشوفك تاني

كنت بتمني يوم يرجع بيكي زماني

زمان كنت انتي انا وانا انتي

شوفي بقيت فين انا وفين انتي

من سنين والقلب مستني

ترجعيلي يوم تبقي قريبة مني

دلوقتي جايا قصادي خلاص بتنسيني

وكأنه عادي طب مين اللي خسر

حبك جوايا انكسر وصعب تاني ابتسم

كل سنة وانتو طيبين

مسافر كمان ساعة وقاعد بفكر كده اكتب بوست قبل السفر عشان فيه حد عزيز كان بيسالني ياتري هتكتب حاجة ولا لا قبل لما اسافر وقولتله اني دماغي فاضيه ومش بقيت عارف اكتب في المدونة بس مرديتش اسافر قبل لما اعيد عليكم

كل سنه وانتوا طيبين وبالف صحه وسلامه ويجعل العيد عليكم مليان هنا وسعاده وحب وتسامح وفجأه

نطت في دماغي جملة كنت بسمعها كتير في المسلسلات ولا في الحياه

يا عم سامح ده ربنا بيتوب علي العبد وبيسامح انت مش هتسامح ؟؟!!

وهنا سألت نفسي هو فعلا الانسان ممكن مش يسامح حد علي حاجة عملها ؟

ممكن؟

ليه م الناس بتقول اذا كان ربنا بيسامح الانسان وبيغفر له خطاياه بمجرد م بيتوب اليه ويندم عليها سواء كان سارق -كافر- زاني ايا كان انت مش هتسامح؟؟

اه ممكن اصل السماحه دي صفه من صفات الله سبحانه وتعالي وهي الغفران واسم من اسمائه وهو الغفور

الانسان بقي ساعات مبيقدرش يسامح لانه انسان مش إله

طبيعه النفس البشريه دايما كده بتحوم حوالين الاختلافات والتناقضات سواء في الشخصيه او التربيه او التفكير والاسلوب

ومن ضمنها دي التسامح

مهما كنت ايه ووصلت لدرجه من الحكمه والعقل والتمسك بالدين هتلاقي ان فيه حاجات لو حصلت متقدرش تسامح فيها اللي عملها

ممكن نقول تقدر تسامح وتعفو عما سلف ومتبقاش شايل من ناحيته خلاص لكن عمرك م هتقدر ترجع انت وهو زي الاول تاني

الزوج اللي زوجته خانته وطلقها و ندمت وتابت و و و عمره م هيرجعها لعصمته من جديد دايما هيحس ان فيه حاجة اتكسرت خلاص مينفعش تتصلح و اكتر شيء ممكن يقدمه انه خلاص يعفو عما سلف وميبقاش فيه ضغينه بينهم

الصاحب اللي صاحبه خانه و باعه بالرخيص عمره م هيقدر يؤتمنه علي سر تاني حتي ولو سامحه وخلاص مش شايل منه

اصل دي طبيعه بشريه يا ساده صفاء النفس بالمنظر اللي انا بفكر فيه شيء صعب جدا او شبه مستحيل

وفيه مستحيلات كتير وانا رجل اؤمن بالمستحيل لان بالطبع هناك مستحيلات ولا اؤمن بجمله مفيش حاجة مستحيله لا فيه

المستحيلات مختلفه وبتتفاوت من نظره لاخري

اقدر اقولك ان مستحيل الانسان يعيش من غير اكسجين صح ؟

مستحيل ان السمك يعيش بره الميه وعلي الارض؟

ده مش مستحيل ؟؟ اه مستحيل

وفيه مستحيل تاني نسبي

يعني؟؟

يعني انك لو فكرت فيه من منظور واحد هتلاقيه مستحيل ومن منظور تاني هتلاقي الاستحاله اختفت واصبح شيء سهل

زي؟

صعود القمر زمان كان شيء مستحيل لكن حاليا بقي مش مستحيل خلاص وناس طلعت وناس راحت وجت

ده نسبي حسب الزمان والمكان لكن فيه مستحيلات مش هتتغير مهما اتغير الزمان والمكان وعشان كده فيه مستحيلات وانا اؤمن بيها

والتسامح الخالص ده واحده منها

معلش بوست ملخبط بقالي كتير مش عارف افكر مشغول بحاجة  وحبيت بس اعيد عليكم واشاركم كام فكره هبله جت في دماغي قبل لما اسافر وتقريبا دي تخاريف من قله النوم ههههههههههههههههه

يلا اشوفكم علي خير ان شاء الله

والي لقاء قريب

بعض العبارات القاتلة

1. *أن يطعنك أحدهم في ظهرك فهذا أمر طبيعي ولكن أن تلتفت وتجده أقرب الناس إليك فهذه هي الكارثة 
   
2. *من المؤسف حقاً أن تبحث عن الصدق في عصر الخيانة وتبحث عن الحب في قلوب جبانة 
   
3. *أكثر الناس حقارة هو ذلك الذي يعطيك ظهره وأنت في أمس الحاجة إلى قبضة يده 
   
4. ***************.(((لا يوجد أسوأ من إنسان يسألك عن اسمك الذي طالما كان يقرنه دائماً بكلمة أحبك )))
   
5. * لاشك في أنك أغبى الناس إذا كنت تبحث عن الحب في قلب يكرهك 
   
6. * لا تسألني عن الخيانة فأنا لا أعتقد أن هناك كلمات قادرة على وصفها 
   
7. * أيها الخائن ..لو كانت كل قصة حب تنتهي بالخيانة لأصبح كل الناس مثلكا 
   
8. * لو كان في قلبك ذرة واحدة من الحب فتأكد بأن آخر ما كنت ستفكر فيه هو الابتعاد عني 
   
9. * ألا تخجل من التحدث عن الحب وأنت الذي زرعت في قلبي أكثر الجروح إيلاماً 
   

ماذا تقول لمن جرح احساسك ؟؟؟

؟؟؟

عندما يخذلون احساسك الجميل..ويكسرون احلامك بقسوه..ويرحلون عنك كالايام..كالعمر..

وينبت في قلبك جرح باتساع الفراغ خلفهم..ثم تأتي بهم الايام اليك من جديد..

فكيف تستقبل عودتهم..

----------------------------------------------------------

وماذا تقول لهم؟؟؟؟؟؟؟؟؟؟؟

هل ستقول:

إنـك نسيتهـم .. وأدر لهـم ظهـر قلبـك , وأمـض ِفـي الطـريق المعاكـس 

لهـم فربما كان هناك..فـي الجهة الأخرى..أناس يستحقونك أكثـر منهـم

-------------------------------------------------------- 

ام هل ستقول

إن الأيـام لا تتكـرر .. وإن المـراحـل لا تعـاد .. وإنـك ذات يـوم .. خلفتهـم

تمـامـاً كمـا خلفــوك فــي الـوراء وإن العـمـر لا يعـود إلــى الــوراء أبــداً

----------------------------------------------------------

ام هل ستقول:

إنك لفظت آخر أحلامك بهـم .. حين لفظت قلوبهـم .. وإنك بكيت خلفهـم 

كثيـراً حتـى إقتنعـت بمـوتهـم وإنـك لا تملـك قـدرة إعادتهم إلـى الحياة 

فــي قلبــك مــرة أخــرى بعــد أن إختــاروا الـمــوت فيــك .

-------------------------------------------------------------

ام هل ستقول:

إن رحـيلهــم جعلـك تعـيـد إكتشاف نفسـك .. وإكتشـاف الأشيـاء حولـك

وإنـك إكتشفــت أنهـم ليـسـوا آخـر المشـوار .. ولا آخـر الإحساس .. ولا

آخـر الأحـلام .. وأن هنـاك أشيـاء أخــرى جـمـيلـة .. ومـثيـرة .. ورائعــة

تـستـحــق عـشــق الـحـيــاة وإسـتـمــراريـتــهــا .

--------------------------------------------------------------

ام هل ستقول:

إنـك أعـدت طـلاء نفـسـك بعـدهـم .. وأزلـت آثـار بصمـاتـهـم مـن جـدران 

أعماقـك .. وأقتلعـت كـل خناجـرهم من ظهرك وأعدت ولادتك مـن جديـد

وحرصت على تنقية المساحات الملوثة منهـم بك ، وإن مساحتك النقيـة 

مـــا عـــادت تـتـســع لـهـــم .

-------------------------------------------------------------------

ام هل ستقول:

إنك أغلقت كـل محطات الإنتظار خلفهـم .. فلـم تعـد ترتـدي رداء الشـوق

وتقـف فـوق محطـات عودتهـم .. تترقـب القـادميـن .. وتدقـق في وجـوه 

المسافريـن .. وتبحث في الزحام عـن ظلالهـم وعطـرهـم وأثـرهـم لعـل 

صـدفــة جـمـيـلــة تـأتــي بـهــم إلـيــك .

---------------------------------------------------

ام هل ستقول:

ان صـلاحيتهـم إنتهت .. وأن النبض في قلبك ليس بنبضهم .. وأن المكان 

فـي ذاكرتك ليس بمكانهم .. ولم يتبق لهم بك سوى الأمـس .. بكل ألم 

وأســى وذكـــرى الأمـــس .

-------------------------------------------------

ام هل ستقول:

إنـك نزفتهـم في لحظـات ألمـك كـــدمـك .. وإنـك أجهضتهـم فـي لحظـات 

غيابهـم كجنيـن ميـت بداخلـك .. وإنـك أطلقـت سراحهـم منـك كـالطيـور

وأغلقـت الأبـواب دونـهـم وعـاهـدت نفسـك ألا تفـتـح أبـوابـك إلا لأولئـك 

الــذيــن يسـتـحـقـــون .

---------------------------------------------------

ام هل ستقول:

إن لكـل إحسـاس زماناً .. ولكل حلم زماناً .. ولكـل حكايـة زمانـاً .. ولكـل 

حزن زماناً .. ولكل فـرح زمانـاً .. ولكل بشـر زمانـاً .. ولكـل فرسـان زمانـاً

وإن زمنهـم إنتهـى بــك منـذ زمــن .

----------------------------------------------

ام ..............:

لا تقل لهم شيئا .. إستقبلهم بصمت فللصمت أحيـاناً قـدرة فائقـة علـى 

التعبيـر عمـا تعجـز الحـروف والكلمـات عـن تـوضيحــه . ..... ؟

عذرا يا قلمى

عذرا يا  قلمى

كتبت بك كل اوجاعى و الالامى

كتبت بك كل احزانى و اشجانى

و رسمت بك لوحات لاهاتى

وعبرت عن كل مادار فى وجدانى

و بسن قلمك نقشت اروع خواطرى و اشعارى

عذرا يا  قلمى

ملات حبرك بدمى و دموعى

و اثقلتك بكل جروحى

بكل بكائى و نوحى

بكل همسات ظنونى

عذرا يا  قلمى

عبرت بك كل السدود

و وصفت بك حلم مجنون

و صرخت بك صرخة عاشق مقتول

و ملات بك اوراقى بالجنون

اغفر لى  يا قلمى 

اذا وافتنى المنيه

و اختارنى الرحمن من كل البريه

و انتهت حياتى و رايت الحقيقة جليه

و اضحة مرئيه

اخطط على قبرى حكاياتى الشجيه

و ادعية ان القى حياة هنيه

و اكون رفيقا للبشر التقيه

ومحدش حاسس بيا

محدش حاسس بيا بجد

محدش عارف انا بفكر في ايه

واللي بفكر فيه مينفعش حد يعرفه غيري

محتاج اغير كتير قوي قوي قوي

مينفعش اعيش حياتي قبل لما التغيير ده يحصل

لانه لو محصلش يبقي حياتي ملهاش اي معني

والمشكله ان الكل عليك وفاكر انك بكده بتدوس علي ناس و انك بتدفن نفسك و بتظلم ناس

لكن انا لوحدي اللي عارف انا فيا ايه و محتاج ايه وبحاول اعمل عليه و علي تصحيح وضع كنت عايش فيه

فتره كبيره

بحاول ارجع انسان بحق وحقيقي

كل اللي حصل السنادي بقي بيمر قدامي في شريط ذكريات من الماضي وانتهي

بحاول ابدا من جديد واحده واحده

صحيح بخسر لسه بس في سبيل ان الاقي نفسي بكره

بحاول فعلا الاقي نفسي

بجد

نفسي اللي حاوليا يفهموا ده انا عمري م اتخليت عن صديق ولا قصرت في حقه

عمري م جرحت و قسمت وكسرت

بس الظروف دلوقتي بتفرض عليا ااني الحق نفسي

لازم الحق نفسي واقف وقفه مع نفسي

بخسر مركزي و تعب السنين  كلها وشغلي  عشان كل اللي حصل علي مدار السنه دي لسه ماثر

بحاول ابص لشيء ابعد من مجرد ترقية  في  سنين شغلي

بحاول احقق حاجة

نفسي تتحقق و ساعتها فعلا هتبقي عزائي عن ترقيتي  اللي راحت دي

نفسي اللي حاوليا يفهموا ده

انا في مرحله عدم توازن هتستمر كتييييييييييييييييييييييييييييييييييييييييييييير

و مش بطلب من اي حد حاجة

بس محتاج امشي في طريقي لوحدي لحد لما الاقي نفسي

عاوز اكتب عاوز اتكلم

ساكت بقالي كتير و مش لاقي اللي اتكلم معاه ..عدي عليا رمضان والعيد داخل و محستش بحاجة فيهم

ساكت و برغم سكوتي بدور علي اي حد اتكلم معاه و مبصدق حد من صحابي يتصل بيا و يكلمني في حاجة

 غير الشغل

بضحك مع اصحابي  في محاوله لاني انسي كل اللي انا فيه

بس برضه نفسي اكتب و اكتب واكتب

بس القلم واقف عن الكتابه واللسان عاجز عن الكلام ومش عارف هيتكلم في ايه

هيعيد سرد احزانه من تاني كل شويه اللي زهق الورق منها واللي زهقت الناس بيها

انا نفسي اكتب واتكلم في اي حاجة وفي كل حاجة

نفسي اقعد مع صحابي نتكلم كتيييييير

ظروف شغلي  و مامورياتي مقيداني كتير

ناس كتير محتاجلهم دلوقتي جنبي ومحتاج افضفض معاهم

بس مقدرش اكلمهم ولا اقولهم كل واحد فيه اللي مكفيه

مش هتصل بيه واقعد ارغي و اعطله

بكتفي اني بشغل ميوزيك  اي حاجة حزينة  و اسمعها كتير وكتير

بتقلب عليا الذكريات و كل اللي فات بس بحس وقتها اني بتكلم مع حد

بقيت عامل زي الاخرس

اللي نفسه يتكلم ويقول علي اللي جواه بس فقدانه النطق مانعه من الكلام

انا نفسي اكتب واتكلم بس السكوت محاصرني

جوه مني كلام كتير بس مش عارف يخرج

مبقتش عارف حاجة بجد

وبقيت ماشي وخلاص

و كل اللي باينلي ان النهايه هتكون انسان جديد عن اللي فات متغير ومفيهوش غير رتوش من القديم

و خايف الجديد يمسح كل اللي معاه دلوقتي و يبقي جديد في كله

لبست توب حزن كتير بعد لما كانت الضحكه والقفشات والهزار مبتفارقنيش

بقيت بتكلم بلغه المحبط المستسلم للايام

عادي ...ماشي ...يلا ...مش فارقه...يا سيدي

بقيت مش متزن فكريا ولا نفسيا

حتي كتباتي في المدونه بعد لما اقراها تاني احس اني بدخل مليون حاجة في بعض و مش مترابطه

حتي البوست ده

بس كل اللي عارفه فعلا اني عاوز اتكلم واكتب واكتب بس مش لاقي اللي اتكلم معاه

ولما بلاقيه بسكت

محدش عندة حل ؟

الاقيش عند حد فيكم حل للي انا فيه

انا مش حالتي وحشه قوي يعني بس المشكله ان جوايا بقي فيه كتله من الحزن مش بتروح ولا بتتغسل ولا بتدفن

بضحك مع صحابي ...مع قريبي .. مع الناس كلها  ..

بس مجرد م ابقي لوحدي الاقي شبح الذكريات و الاحزان نط في خيالي

ساعات في عز الضحك و الهزار والتهييس الاقي نفسي من جوه بتسرح و بتروح في بحر الاحزان من جديد

اوعي تكونوا فاكرين اني عاجبني حالي ولا خلاص ان الحزن بقي جزء مني

ولا حتي عاجبني اسم المدونه ولا اللقب بتاعي

بس برغم انهم مش عاجبني عشان دلالتهم علي الحزن بس انا بحبهمم مش عارف ليه

بس نرجع لموضوعنا

زي م بقولكم كده جوايا كتله من الحزن مش عاوزه تروح

احاول اهرب منها في شغلي في فيلم في قعده مع قريبي  تختفي حبه و ترجع تظهر لما ارجع لوحدي

حتي لو مظهرتش فجاه تاني برضه تلاقي تفكيري بيروح ليها

جايز عودت نفسي علي كده و جايز عشان كان كله ورا بعضه والاحزان متتابعه و انا عيشت فيها فتره

بس انا عاوز اخرج منها ومش عارف

تفتكروا عشان برهق نفسي في شغلي ؟؟؟

تفتكروا بمجرد مخلص شغلي او استريح شوية او انام  و زوال ضغط الاعصاب وكله ان الكتله دي هتروح؟؟؟

مش عارف

بس انا مش حابب نفسيي كده

ناس كتير ربنا كرمهم وقدروا يتغيروا ويكلموا و يبقوا احسن من الاول برغم اللي حصلهم السنادي

بس انا السنه لسه م انتهت

مستني تخلص و تروح معاها كل الافكار و كل الاحزان

سنه بجد متعبه من كل حاجة

مشاعر... شغل  ...ارهاق.... صداقه ...حب ....كره ...كله

كتير منا بيقول يا ريت الواحد يرجع صغير تاني و يلعب ويجري وميشلش مسئوليه ولا هم زي دلوقتي

بس انا بقي بقول ياريت ارجع سنه لورا

سنه واحده بس

حاجات كتير كانت اتغيرت

بس طبعا اللي راح مبيرجعش

ولازم ارضي بالواقع بالرغم انه أليم و مر وعمري م كنت افكر انه يوصل لكده

بس لازم ارضي بيه عشان اقدر اكمل

ودايما بقول مهما خسرت برضه كسبت