قادر أنــــسا

قادر أنسا عيون خانتني

كدبت عليا و بعتني و سيبتني

ماطمرش حبي ليها

ولا انشغالي عليها

الله يسامحها اللي جرحتني وبكتني

كدبت عليا وقالت انها علشاني

صعب الفراق بس لازم أقدر عليه

راجعة بتندمي وهيفيد الندم ايه

أنا هنساكي هنسا هواكي وهبقي وحيد

قلبي حقيقي هايعيش بعدك عمر جديد

كدا أحسن كدا أريح ولا نظلم ولا نجرح

وبدال ما يعيش الجرح في قلب واحد مننا

يبقي البعاد اكيد اريح لنا

لو مش قادرة تنسي اعتبري اللي مابينا

نسمة حلوة وفي لحظة فاتت

وردة جميلة وأوراقها ماتت

بسمة بريئة وفي الدموع باتت

هقدر مع الوقت أنسا انك كنتي قاتلاني

وها قول لعيني تمحي صورتك من خيالي

وهاخلي عقلي يشيلك حتى من بالي

كدا أحسن كدا أريح ولا نظلم ولا نجرح

وبدال ما يعيش الجرح في قلب واحد مننا

يبقي البعاد اكيد اريح لنا

بس عمرك مكنتي جمبي ؟

!!!!! حــــــكــــايــة راحت لوقـــتـــهـــا

حكايه راحت لوقتها

كل اللى مبينا انتهى ما فيش ما بنا كلام حكايه راح وقتها

دى حكايه وراحت وقتها ورجوعى ده بجد من الآحلام

ايه تانى فى نفسك تقولية

قوليلي قلبك عايز منى ايه

بعد كل اللى عملتهولها

تسيبنى ليه و أهون عليها

كان قلبها نجم عالى وبحبى عليته

ولما خان من نظرى نزلته ونسيته

كنت راسم ليكي صوره من الملاك

فجأة لقيت الصوره غدر وبحر هلاك

ليه عايزة تتكلمي تانى فاكرانى هندم

لا ده وهم فى خيالك ولا عمرى هتألم

ازاى فى يوم هتنامي ازاى تعيشي مبسوطة

وانتي جارحة لقلب من جرحه بيموت

بس أنا يا حبيبتى قادر أهزم جوايا أحزانى

ما هو درس واتعلمته ما أمنشى ليكي تانى

اياكي بلاش تتكلمي مش قادر أسمعك

مهما تقولي وتمثلي عينيكي !!!!! هتكذبك

وقت الأســـــــف

كلامك عمره ماهيهزني
ولا هنسا يوم إنك بعتيني
يا حبيبي فات وقت الأسف

وقت الأسف عدا وراح
أي عتاب هيقلب جراح
اسكتي بقي وسبيني أرتاح

أداوي كل شيء فيا انكسر
متقوليش إنك ندمانة
أرجوكي وفري أي كلام
مش هيمحي بجد الآلام
اللي ساب جوايا أثر

وقت الأسف..... عدا وراح

إخترتي غيري لقلبك وسيبتيني للهلاك
لا في يوم ها قول بحبك ومع الأيام هنساك

ما أنا أستاهل كل اللي جرالي وأكتر
اديت بالساهل حبي لقلب عمره ماقدر

هتعتب علي مين ومين اللي عليه اللوم
متخلينا ساكتين أي عتاب هيصحي هموم

لو هتلومي لومي نفسك
وارجعي واسألي نفسك

مين ضحي ومين صبر
ومين فاز ومين خسر

مين سامح ... ومين غفر .... مين خان .... ومين غدر

اسكتي بقي وسبيني أرتاح أداوي كل شيء فيا انكسر
متقوليش إنك ندمانة أرجوكي وفري أي كلام
مش هيمحي الآلام اللي ساب جوايا أثر

كلامك عمره ماهيهزني
ولا هنسا يوم إنك بعتيني

يا حبيبي .... وقت الأسف..... عدا وراح

مــــــــش راجــــــــــع

ورجعت بعد السنين والدمعه في عنيها ... بتقولي مجروحة أرجوك تسامحني
و نسيت اللي كان بنا أيام زمان ... وعملت ايه فيا والبعد اللي جارحني
بس لما شفت دموع عنيها صعبت عليا .. ماهو مستحيل تهون علينا العشرة للدرجة ديا
دا اللي يخون العشرة مالوش مكان بنا ... دمعت عنيا وقولت ياريت ما اتقابلنا

و اترمت في حضني اللي كان دايما صاينها ... وكأني ها غفر لها جرح السنين
نسيت انها باعتني للي خاينها ... وفاكرة ان لسه ليها في قلبي حنين

لأ لا لا لا
أنا مش راجع ليها تاني انا انسان من حقي أعيش
مهما داقت بيا الدنيا ليا رب و غيره ما ليش

هنسا أيام العذاب ... هنسا أحزان الماضي
و كل دمعه بكتها زمان ... و أعيش بقي انسان عادي
مش هالوم علي اللي خان ... مش هاندم علي الفاضي
مش هبقي أنا السجان ... مش هاكون أنا القاضي

لا يا قلبي أوعاك تحن للي باعك في يوم وليلة
أوعي يوم أشوفك تبكي علي أيام كانت جميلة
دا اللي خان مالوش أمان بعنا وباع أحلام نبيلة
دا اللي بينك وبينها تاه وهي اختارت تعيش في حيرة
مهما تشرب من المرار اياك تتوه في بحر الغيرة

مش هيا اللي بعدت مش هي اللي اختارت .. سيبها لدمعتها والجرح اللي ماليها
واياك تنسي في يوم انها رمتك وسط النار
و جزتك بالشوك وبصت لفوق .. ونسيت وعود .. ورمت عهود
وكأنك حتموت بعدها من الوحدة والجرح

لا لا لا لا
أنا مش راجع ليها تاني أنا انسان من حقي أعيش مهما داقت بيا الدنيا ...
ليا رب وغيره ماليش

جاية دلوقتي

جاية دلوقتي تقوليلي بحبك وبموت فيك
جاية دلوقتي تقوليلي ياحبيبي بشتاق لعنيك

انسي اللي انتي بتحلمي بيه قلبك دا عمري ما أحن أنا ليه
جرحك اللي جرحتية لقلبي صدقيني أنا هقدر أداويه
والحب اللي معاكي ضيعته أنا مش هندم لحظة بجدعليه

لازم تندمي طول أيامك لازم تندمي طول لياليك
أنا بأه كده عمري ما هتندم يالي بايعاني في لحظة عليك

جاية دلوقتي تقوليلي بحبك وبموت فيك

كل شئ معاكي بقي مر وكل لحظة حلوة في ثواني تمر
كل شئ ضايع كل شئ رايح حتي العمر مسافر
والحال مبقاش يسر

أنا انجرحت وقولت نصيبي مهما اتجرح أقول ده حبيبي
ليه نسيتي اللي عملته علشانك قلبي ياغالي دا عمره ماخانك
ولا عمره كدب مرة عليكي

انتي خدعتيني وخنتيني وبعتيني وعمري مافكرت أقسى عليكي
بعتيني وبعتك نستيني لياليكي بعت أيامك ونسيت أحلامي وأحلامك
فكرت ان احب حد بعديكي بس مش قادر ومش عارف اتصور افكر في حد غير فيكي

بعد دا كلة

جاية دلوقتي تقوليلي بحبك وبموت فيك
جاية دلوقتي تقوليلي ياحبيبي بشتاق لعنيك

كرهتك بجد

خلاص كرهتك .. وكرهت حياتي بسببك ..

عايزه مني تاني ايه.. مفيش جوايا باقي تكملي عليه ..

خدتي مني كل حاجه.. فعز ما كنتي محتاجه ..

كان قلبي ليكي حبيب.. حولتيه لقاسي عنيد ..

ومكفكيش فيا التعذيب.. ياريت تمشي بقا في سكه بعيدة ..

انا عمري ما هندم يوم عليكي.. ولا عيني تدمع لحظه بسببك ..

كرهتك وكرهت حبك.. والذنب ذنبي وده مش ذنبك ..

فضلت ساكت وراضي.. وعلى ايدك اتعلم ..

وقلبي ينجرح جوا مني ..

مقولش ال آآآه ولا اتكلم . .

خلاص كرهتك بجد

ومش من جوا قلبي وبس .......

بــجـد يـــا خــــســـــارة

ياقلبى انساها وابعد عن هواها واياك تعيش تاني ليها

ياقلبى ابعد عنها وانسى حبها واياك تفكر لحظة بجد فيها

يمكن بعدها هتتغرب والحزن منك اكيد هيقرب

بس احسن ماتكون ليها واوعى تستغرب

بعد ماضاعت احلى سنين

قولي هترجع م تانى لمين ؟

صدقتنى لما قولتلك دي ماحستش بيك

وانتا ولا طاوعتنى خليتها تعذب فيك

خدعتنى وخدعت نفسك

والوهم كان ماليك

قولي بعد ماضاعت احلى سنين

قولي هترجع تانى لمين ؟

اهي سابتنا بعد ما باعتنا

ودلوقتى قولي هيا فين؟

جرحنا وبكانا وللحزن جوانا مليون علامة وعلامة

بعد ماضاعت احلى سنين

قولي هترجع تانى لمين ؟

يا خسارة يا قلبي

ربنا هيجيبلى حقى .. من اللى كانوا بياخدوا حقى
من حبى ليهم .. سلمت ليهم .. وسبت نفسى
غمضت عينى .. صحيت ياعبنى .. مالقيتش نفسى

وهمونى بقصور فوق سحاب مالهاش أثر
ونزلت مرمى عالتراب قلبى اتكسر
مشيت فى سكة طويلة وفى وسط الطريق
رجعت ميت بالمفيد المختصر

من كتر قلبى ماضحى واتهان واتظلم
بجد حاسس انى واخد بالقلم
ماهى غلطتى صدقت ناس ملهمش كلمة
اندم ياقلبى ورانا إيه غير الندم

********************

حسبوها صح ونفذوا
وفى جرحى قعدوا يركزوا
وعملوا على قلبى ملايكة
أذونى ماخافوش يتاذوا

أنا اللى يجرحنى أخسره
وهم جرحوا وافتروا
ونسيوا بقى ان المظلوم
مسيره ربنا ينصره

وهمونى بقصور فوق سحاب مالهاش أثر
ونزلت مرمى عالتراب قلبى اتكسر
مشيت فى سكة طويلة وفى وسط الطريق
رجعت ميت بالمفيد المختصر

من كتر قلبى ماضحى واتهان واتظلم
بجد حاسس انى واخد بالقلم
ماهى غلطتى صدقت ناس ملهمش كلمة
اندم ياقلبى ورانا إيه غير الندم

تشربي إيه ,, جرح دمع ظلم كل اللي انتي عايزاه أنا عازمك عليه
تطلبي ايه ,, ويل ظلم نار أؤمري وقولي نفسك في إيه
تشربي إيه ,, جرح دمع ظلم كل اللي انتي عايزاه أنا عازمك عليه
تطلبي ايه ,, ويل ظلم نار أؤمري وقولي نفسك في إيه

كلو من خيرك كتر ألف خيرك ,, كلو من خيرك كتر ألف خيرك
بدعي عليكي روحي ربنا يديكي ,, على قد ضميرك
أنا حالف ما أسيبك وشايلك نصيبك ,, أنا حالف ما أسيبك وشايلك نصيبك
بيني وبينك حساب شايلك ميييت عذاب ,, وكل ده من نصيبك

والمرة دي أنا اللي ح حاسب أنا عازمك عشان نتحساب
أصلي أنا مديونلك ك العادة
بس بجد مكنتش فاضي بس فضيتلك والمرة دي
ح تاخدي حقك وزيادة

كلو من خيرك كتر ألف خيرك ,, كلو من خيرك كتر ألف خيرك
خليتيني أدعي عليكي روحي ربنا يديكي ,, على قد ضميرك

يا رب قويني يا رب خليني ,, أعيش وأذل كل واحد ذل فيا
يا رب قدرني وزي ما كسرتني ,, أعيش وأشوفها بتتكسر قدام عنيا

لازم أحاسبك وأديكي اللي أنا خدتو منك ,, وانتي تدفعيلي اللي عليكي وابقى خلصت منك
لازم أحاسبك وأديكي اللي أنا خدتو منك ,, وانتي تدفعيلي اللي عليكي وابقى خلصت منك

كلو من خيرك كتر ألف خيرك ,, كلو من خيرك كتر ألف خيرك
بدعي عليكي روحي ربنا يديكي ,, على قد ضميرك
أنا حالف ما أسيبك وشايلك نصيبك ,, أنا حالف ما أسيبك وشايلك نصيبك
بيني وبينك حساب شايلك ميت عذاب ,, وكل ده من نصيبك

والمرة دي أنا اللي ح حاسب أنا عازمك عشان نتحساب
أصلي أنا مديونلك ك العادة
بس بجد مكنتش فاضي بس فضيتلك والمرة دي
ح تاخدي حقك وزيادة

كلو من خيرك كتر ألف خيرك ,, كلو من خيرك كتر ألف خيرك
الدنيا بتغير بتعلي الصغير ,, كلو من خيرك كتر ألف خيرك