بــــــــــــــــــائعة الاحـــــــــــــــــــــلام

لو عايز تشترى أحلام ... روح عندها

وأعرفك بالعنوان

عنوانها ميدان الوهم شارع الخيانه..

متفرع من شارع الكذب

على ناصيته حتلاقى بائعه الهوى وبائعه الأوهام

حتلاقى بيت كبير اسمه بيت الحرمان

حتلاقيها ساكنة فى أعلى دور

وبابها مكتوب عليه بائعة الأوهام

أطرق بابها حتلاقيها منتظراك

ومعاها أوهام ياما

على كل شكل وألوان حتسعدك..حتبهرك..

حتعيشك فى ملكوت

شوف نفسك فية أية

وقول لى عليه!!

معاها كذب واوهام...

تخليك عايش فى زمان غير الزمان

ومع ناس غير الناس

تلاقى فيهم كل اللى تتمناه

من عشق وغرام وهيام.

وتعيش وسطهم كأنك سلطان

الزمان والمكان

معاها كمان أحلام..

تخليك تسيطر على الكون دة كله

والناس لك عبيد وخدام

كمان معاها أوهام...

تبدلك ليلك بالنهار

وتجعل طريقك الصعب جنة مفتوحة تجرى فيها

من غير جنود ولا حراس

معاها كمان أحلام..

تقلب الصخور والجبال

لأجمل ما أبدع الخيال

حتلاقى فيها البساتين

مليانه بكدب..ومكياج.. وتمثيل

حتلاقى فيها أشجارالخيانه شياطين تتراقص وتشدو

بأصوات سيمفونية قميئه الالحان

وأخر ما عندها من أحلام...

أحلام تخلى الحبيب البعيد منك قريب

وان كنت بتعانى من جفاه

تلقاها مغرمه وهيمانه.. ومتيمه فيك

وعايشه تفكر فيك وقلبها مشغول دايما بيك

ولوعة بعادك تقاسيها فى أسى وتنهيد

قول لى...

عايز تشترى ايه من أحلامها...؟؟

عارف عينيك بتسأل الف سؤال وسؤال!!!

عايز تسألنى...

هيه عملت اية بالأحلام . والاوهام...؟؟