اعتراف

انا قلبي مش حزين

وماهواش مسكين

أديه قاعد هنا جنبي بقاله دلوقت سنين

يغزل حلم و تتفك خيوطه و تطير

طيب ما تطير

انا قلبي ماهواش بير

تتجمع أحزانه فيه وتفيض

انا قلبي حديد

كل ما بيخسر حلم يحلم حلم جديد

بيضحك و يزقطط و مهما حصل سعيد

انا قلبي ماهواش مكسور

ولا عمر حد طفاله نور

تيجي الناس عادي عليه وفاجئة تروح

ولا عمره بعد فراق غالي قعدلي مقهور

انا قلبي ماهواش عبيط

يجري من تاني على الحب بفرح او تنطيط

ويسمع كلمتين وتجرّيه عل يقولي حبيتك

لا عمره حايحب حد ولا حايقرب حتي للحياه

ولاعمري عاوز أكلمها ولا حتي أبص جواها

ولا حاتكلم عنها تاني ولا معبرها

بعد ما بهدلتني خليها بقى لوحدها مع بكاها