دا انا حتى مش عاوز انسى
***
هى عارفه انا كنت بتكلم على مين
و انا عارف هى كانت بتتكلم على مين
و احنا الاتنين عملنا مش عارفين
***
ممكن متبقيش معاه زى ما كنتي معايا ؟؟؟
اكيد انتي عارفة ليه
***
اول مرة احس ان الواحد المفروض ساعات يفقد "الأمل"
و يستسلم
اصل طول ما انت عندك امل ف الحاجه دى
هتفضل وراها
حتى لو مش ليك
انت لمجرد عندك امل مش عارف تديها ضهرك
و تمشى و مترجعش تانى
انت مجرد عمال تعصر ف قلبك و عقلك و حياتك
و كلمه ترفعك السما .. و كلمه تغرقك
و كلمه تكسر كمان حته جواك
فوق اللى اتكسر قبل كده
لمجرد ان عندك شويه امل
هو ايه الامل ده اصلا
دا حتى مش حاجه اكيده .. يعنى ممكن
.... و ممكن ولا حاجه
***
هو ليه عقل الواحد بيفتكر و ينسى ب مزاجه
ليه حاجات يبقى الواحد نفسوا ينساها
.. يفضل غصب عنوا فاكرها بكل تفاصيلها الممله
و حاجات حلوة تبقى نفسك فاكرها على طول
تلاقيها بتتلاشى من جواك
***
فعلا كل واحد بيشوف الانسان اللى قداموا زى ما هو عاوز
اصل انا معنديش انفصام ف الشخصيه يعنى
عشان حد يبقى مقتنع انى عيل و اهبل
و التانى شايفنى كبير و عاقل
***
قرفان من البشر معرفش ليه
ممكن ابدلهم بحاجه تانيه غير البونيادمين
نبدلهم ب قطط مثلا
هيبقوا احلى
***
عارف ... مبقتش احب اسمع حاجه
و افتكرك او افكر فيك
بس غصب عنى
مش كاره ده
بس برضوا مش حابة
و انت برضوا عارف ليه
***
هو المفروض اسيب حقى و اقول ربنا هياخدلى حقى
ولا دا هيبقى اسموا تواكل على الله مش توكل
امتى لما اسيب حقى يبقى صح و امتى غلط
بجد انا بكرهك جدا ياللي في بالي
بكرهكم كلكم
***
بحب فيك انك بتكتب البوست بالساعه
بالمرة بقى اوصف الجو عشان لما ارجع اقرى تانى
***
لابس البتاع الاسود... منمتش من يومين غير 4 ساعات
الجو حر .. على شويه رطوبه
البيت كلوا فاضي .. و المفروض هنزل مشوار كمان ساعتين و انا منمتش
... وفي حاجة مش عاوز اعملها وافتح السايت واشوفها
بنام على الكيبورد و احساس قوى بيقولى انى هقفل الويندو من غير ماعمل بوست
***
مش هفقد الامل ... لانى اصلا لا عاوز انسى ولا افقد الامل
المعادله بسيطه جدا
***
اربع سنين و لسه بتوحشنى
امتى هجيلك بقى
***
ك العاده ... لو حد قرى و حس انوا ضيع وقتوا
انا مش اسف انا مش ضربتك على ايدك عشان تقرا البوست
تصبحوا على حاجات حلوة
.jpg)
