رمشة عين .. محتاج رمشة عين
_____________
متحاولش تلبس حاجة مش مقاسك
او حتى مقاسك وانت مش مرتاح فيها
البس اللى يريحك / اللى بيعبر عنك أنت
_______________
فى حاجات بتبقى بسيطة قوى - بس بتبقى غالية قوى فى احساسها
ومعناها بالنسبة للواحد
وحاجات تانية بتبقى غالية قوى فى قيمتها - بس بالنسبة للواحد
ولا حاجة
ودى مشكلة فى حد ذاتها فى الحياة
_____________
لما بشوف ضحكتك بتدينى احساس ان الدنيا لسه بخير
الابتسامة اللى هى من غير صوت دى - بتبقى هادية قوى ورايقة
ومع انك كتير بتعمليها بس في عنيكي حاجة تانية
نفسي اشوفك تاني
Bo0B0
_____________
نفسي اروح في النوم زي زماااان
____________
مثل يونانى: لولا الأكل .. لكانت الحياة لا تحتمل
كل ماتتزنق .. ارمى خضار فى الحلة
____________
* ( شمس فى عز البرد )
______________
أحلى حاجة فى الصيف المراوح وصوتها
ولو فى تكييف - أظن ان احنا كده خلاص عدينا
ومش ناقصنا اى حاجة فى الدنيا خلاص
التكييف عامل زى الشاى او القهوة
________________
الجزر بقى طماطم
________________
ياتري بتدخلي زي زمان هنا ولا لا ... ؟
سؤال يطرح نفسة
عارفة اني اكبر غلطة ارتكبتها في حياتي اني قولتلك علي المدونة بتاعتي
دلوقت لما اجي اكتبلك اي حاجة بحس اني مكشوف اوي
كان نفسي اكتبلك كل اللي نفسي فية بس دلوقت بقيت بخاف معرفش لية
نفسي متدخليش هنا تاني ههههههههه
_______________________
حاسس كاني اول مرة اخد اجازة
من عشرميت الف سنة مثلا ولا حاجة
ومع اني مش عاوز انام عشان استفاد من كل فسوة
بقالي كتير قوي مقعدتش علي الجهاز كدة لوحدي
وشغلت الاغاني اللي بحبها وبشرب شاي
والكوباية عليها رسمة غريبة كدة وبسكوت لمبادا
:( بس خلص
:) يعني اتحققلي كل حاجة بحبها
ومحدش معايا في الاوضة
:)
( عايز اثبت الوقت )
بحب حاجتي قوي
في حاجات هبلة جدا عندي ومتخلفة جدا
يمكن تكون قيمتها بسيطة
بس بالنسبالي كبيرة قوي
بتبقي من الحاجات اللي ممكن تخفف عني شوية
مش عاوز اتكلم في الموضوع دة
حب الناس للواحد / ارتياح الناس للواحد نعمة
مافيش حاجة علي الارض ممكن تقدر دة او توازية
انا سايبها دايما علي ربنا
وربنا دايما واقف جمبي
الحمد لله
مش عاوز افتكر اللي كان
مافيش احلي من بلدي
ومفيش احلي من ناسها وطيبتهم
.jpg)
