حياتي

سفينة...وسط البحر

موجودة ورا الضباب

حاولت أوصل

لكن مفيش مركب توصلني

بكيت كتير ع الشط وحيد

سرحت في دنيا جميلة وبعيد

اتمنيت أوصل هناك

ملاني الحلم وبقيت شريد

لما أصحى أو حتى انام

مفيش مكان لغير آلام

حاولت ألاقي مكان في قلبي

و ماسيبش نفسي للاستسلام

عشان آلامي تصبح آمال

و أخلق حقيقة من الأوهام

و يمكن كمان ساعتها

هقدر أحقق أحلام

.......

البحر سمع بكايا

و حس بيّ.. دة كان معايا

و قاللي كلام

عايز توصل للسفينة؟

يبقى عمرك ماتبقي حزين

وابدئ عوم لجوة البحر

و بدأت أعوم وأعوم

موج كتير بيرجعني

و صخر كتير بيوجعني

و ساعات بغرق تحت المية

لكن الأمل لسة فيّ

و برجع تاني أعوم

يمكن.....في يوم من الأيام

أحقق الأمنية

و أقدر أوصل للسفينة