دى بقى حكايتى

كنت قريب اوى من بيتها
وكنت هروح انادى عليها
بس اللحظه دى حستها
اصعب لحظه ليا وليها
كنت بفكر لو جرحتنى
لو صدمتنى تانى عينيها
ايه هيجرالى وايه بقى حالى
لما اشوفها ناسيه ماضيها
خفت اموت اكتر ما بموت
لما اشوفها بتجرح فيا
قلت بخوف اعمل معروف
اهدى يا قلبى شويه عليا
اصل حياتى هتكمل تكمل
والنصيب ده مش بإيديا 
~~~~~~~~~~~~~
ليه بتألم مش بتكلم
والجراح معذبه عمرى
عايش المى و تعبى وهمى
احساس صعب زود يأسى
لأ وكمان انا بتندم
ليه مبعدتش كده من بدرى
كان لازم اخسر منا كنت اقدر
انسى فى لحظه واريح نفسى
~~~~~~~~~~~
دى بقى حكايتى ولسه هكمل
منا مش دلوقتى هنهيها
بس خلاص انا خدت قرار
عمرى ما افكر تانى فيها
يعنى هعيش عمرى فى سعاده
زى ما كان زمان قبليها