لما صحيت

رسالة واهداء..الي من لم تجدني في حقيقتها ولن تستطيع ان
تجدني في احلامها...


مش معناها ان انا حنيت ______علشان اخطأت ورديت
انا كان هدفى انهى علاقة ______ كنت نهيتها زمان ونسيت

كنت نسيت ايام جرحتنى______ كنت نسيت انسانة خانتنى
باعت كل اللى انا حسيته ______ وياريتنى ماعشت وحسيت


جت بالشوق راجعة ومن تانى ______ فاكرانى انا هفتح احضانى
واجرح ليه انسان ماظلمنى ______ وابقى فى نظر الدنيا انانى
طب وصحيح لو كنت مكانه ______ كانت تبقى معاه خدعانى
لا انا عمرى مهبقى انانى ______ مهما تعبت ومهما اسيت


كنت سعيد بالبعد وراضى ______ فرحان انى دفنت الماضى
علشان كده مهما هتحاولى ______ كل محاولاتك عالفاضى
وده سببه ان انا مليت


عايزة تعيشى معايا الشوق ______ وتعيشى معاه بصة لفوق
بصى لفوق هتلاقى مرايتى ______ عالية عليكى وفوق الفوق
أصل مشاعرى مهيش بفلوس ______ ولا معروضة لبيع فى السوق
وعشان كده سيبتك وعليت


خدى كلمة منى وملأخر ______ حكايتنا وصلت للاخر
وانا عن نفسى هطوى الصفحة ______ اللى طويتها بوفاء نادر
وأرجع لحياتى اللى عايشها ______ عايش بيها مبسوط عالاخر
وأختر ليه الموت بأيديا ______ بعد مفوقت ولما صحيت