مبقتش حاسس خلاص

عايز اكتب اي حاجة 
عايز اعرف ملامحي بقت عامله ازاي بس خايف اواجه نفسي في مرايا
حاسس اني هرجع مشوفش فيها صورتي لوحدي و هتعب اكتر
عايز احس اني لسه بتنفس.. عايز احس اي حاجة غير الانكسار ده

عايز اسكت الامل اللي بيلعب باعصابي كانها ورقه شجر في الخريف

بحط ايدي علي مكان قلبي الاقي سكوت
بس سكوت مش مستغربه.. لاني عارف ان مكانه جوايا بقي فاضي
حاسس اني ضل انسان 
حاسس بكلمة لا جوايا عاليه.. بس كلمة يا ريت اعلي

بين قلبي و عقلي ..خلاص مش قادر اتحمل
جربت اعيش نفسي في وقت غير الوقت وافكر ان مفيش حاجة حصلت واني لسه في الزمن اللي فات 
ايام الانتظار الطويل 
بس معرفتش لان صدي الكلمة بتسمع في جدران كياني بقسوة زي الصوت اللي كان وقتها
انا تعبت احزان و كوابيس و كلام مع نفسي ..و كلام مش مع نفسي 
مبقتش حاسس خلاص