المدونة بتاعتي وحشتني قوي

نفسي ارجع واكتب زي زمان بس مش عارف

كأن جوايا طفل مجنون ساعات كتير

اهبل يمكن

كنت عايش وخلاص مقضيها ساعات مبسوط

ساعات مكتئب

ساعات بفقد اي احساس

لكن بين كل الساعات دي

كنت عارف ان انا دة انا بكل هبلي بكل عبطي وجناني

مش محتاج ارضي حد غير نفسي

ومش بيهمني حاجة مدام مش بغضب ربنا ومش بعمل حاجة غلط

دلوقتي بقيت بحس ان الطفل اللي جوايا عجز

ومبقتش عارف ارجع من تاني انا

بقيت واحد تاني حتى لما بقيت بشوفوة في المراية بقيت بستغرب

الايام بتمر من بين صوابعي زي الرمل

والعمر اللي بيعدي مابيرجعش تاني

جوايا غضب كبير وصرخة مش راضية تخرج

من بين كل الدموع دي نفسي الاقيني

او الاقي الطريق اللي في حياتي مكتوب

يديني امل يخليني اخد كل الالوان البهتانة اللي في حياتي واصبغها بلون جديد

او اغسلها وكله بيطلع في الغسيل وميتبقاش غير اللون الابيض