زي امبارح

السلام عليكم
الحمدلله يوم 24 عدى :D

***

تعالوا ترغى سوا ف شويه حاجات مهمه بالنسبالى بس مش مهمه بالنسبالكوا
فا اللى وراه شغل و سهران و اتكعبل ف المدونه يقفلها بدل ما يضيع وقتوا
:))

***

من فتره كده كتبت بوست عن الامل
ان يبقى عندك امل ف حاجات فا تفضل معلق نفسك بيها
و انك لو فقدت الامل فيها هيبقى اريحلك بكتييييييييييير
الكلام ده ساعتها و انا بقوله مكنتش متاكد منوا اوى
دلوقتى انا فعلا اتاكدت انوا صح متعلقش نفسك ف حلم اكتر من اللازم
ممكن فى احلام تانيه حواليك احلا بكتيييير بس انت مش شايفها

حاجه تانيه
ربنا لو كاتبلك حاجه مش هتبقى لغيرك مهما حصل
فمتزعلش على اى حاجه تروح منك

او بشكل اخر
متزعلش ,,, لان تاكد ان اللى حصلك داه فى اسوأ منوا

اهو انا واقع ف الحته دى اليومين دول
او الفتره دى من حياتى
مبقتش عارف ده عدم رضا منى فا شايف الدنيا كده
و لا هى كده فعلا بالنسبالى
هى ماشيه معايا بالعكس
ولا الحاجات اللى بتحصللى دى عادى بتحصل ل كلوا و انا اللى شايفها حاجات كبيرة

***

مش هعرف اكتب تفاصيل اكتر
مع ان البوست ده اصلا كان مكتوب عشان الجملتين دول

***

كفايه كده